ગાંધીનાં જીવનનાઅંતિમ મહિનાઓ મહાભારતનાં સ્વર્ગારોહણ પર્વની યાદ અપાવે તેવા છે. ધર્મરાજ યુધિષ્ઠિર એક પછી એક ટૂક ચડતાં જાય છે અને તેમના એક પછી એક સાથી ખરતાં જાય છે ! સ્વાભાવિક રીતે જ આ પર્વનું આલેખન કરનારાં સૌએ પોતપોતાની દ્રષ્ટિએ પ્રસંગનું ભાષ્ય કર્યું છે. આ પુસ્તક, ગાંધી - જીવનનાં અંતિમ પર્વને સમજવાનો લેખકે કરેલો ઉત્તમ પ્રયાસ છે. જરાયે અતિશયોક્તિ વિના ૧૯૪૬-૪૭ ના કાળની ભીષણતાનું લેખકે કરેલું સચોટ આલેખન અને એવી એવી તો અનેક સામગ્રી, સુજ્ઞ વાચકોને આ પુસ્તકના પાને-પાને મળી રહેશે.