મીનળ દીક્ષિત રચિત લઘુનવલ "શાપિત'ની નાયિકા કૈકેયી છે. એમ કહેવાય કે ખલનાયિકા કૈકેયી છે. કૈકેયીને સહુ એ જ રીતે ઓળખે છે. દશરથ રાજાના રાણીવાસની સૌથી યુવાન રાણી કૈકેયીને કારણે જે મહાભારત સર્જાયું તેની કથા રામાયણનો પ્રાણ છે. હવે સવાલ એ થાય કે રામાયણની કથાને વેગ આપવા માટે મહાકવિ વાલ્મીકિએ કૈકેયીનો સહારો લીધો ? રામાયણની વેદી પર કૈકેયીનું બલિદાન ધરાવાયું ? અન્ય કેટકેટલાં નર - નારી - પશુ - પક્ષીઓમાંથી મહાકવિની પસંદગી કૈકેયી પરજ કેમ ઉતરી ? આ પ્રશ્નોના ઉત્તર "શાપિતા' માંથી તમને મળશે.