വിലപ്പെട്ട വൈജ്ഞാനിക സംസ്‌കാരത്തിന്റെയും നിഷ്ണാതമായ സാധനയുടെയും ഫലമാണ് ഈ രചന. യഥാർത്ഥ ആത്മീയത മതഭ്രാന്തും കുടിലവ്യാഖ്യാനങ്ങളും പൊള്ളയായ ആചാരങ്ങളുമല്ലെന്ന അടിസ്ഥാനപരമായ ആശയത്തെ പുണ്യശ്ലോകരായ ഗുരുക്കന്മാരുടെ ജീവിതത്തെ ആധാരമാക്കി ഈ പുസ്തകം സംശയലേശമെന്യേ സ്ഥാപിക്കുന്നു. ആത്മീയതയുടെ ഉണ്മയിൽ സ്‌നേഹമേയുള്ളൂ, വിദ്വേഷമില്ല.; ആശ്ലേഷമേ ഉള്ളൂ, വിശ്ലേഷണമില്ല; ഉദാരതയേ ഉള്ളൂ, കുടിലതകളില്ല. ‘സർവേ ഭവന്തു സുഖിനാ ഃ/ സർവേ സന്തു നിരാമയാ ഃ’ എന്ന ഭാവമാണ് അതിന്റെ ആത്മാവ്. ദുർവ്യാഖ്യാനങ്ങളുടെ ഇരുൾച്ചിറകുകൾ വിതിരുമ്പോൾ ഈ ദർശന പൈതൃകത്തിന്റെ അക്ഷയജ്വാല ഉയർത്തി തമസ്സിനെ പ്രതിരോധിക്കാനുള്ള സമകാലിക കർമ്മവൈഭവമായികൂടി ഈ കൃതിയെ കാണണം.
-കെ. ജയകുമാർ