પ્રસ્તુત પુસ્તક લોકોને બે રીતે ઉપયોગી થઇ શકે તેમ છે. એક તો ઈસ્લામને અકબંધ રાખીને પણ રાષ્ટ્ર અને પ્રજાનું ભવ્ય નિર્માણ કરી શકાય છે, જેનું ઉદાહરણ ટર્કી છે. પણ ટર્કીની આવી ભવ્ય સ્થિતિ કમાલ પાશા વિના થઇ ન શકે. સાચા વિચારકોમાંથી સાચા આચરણો પેદા થતા હોય છે. સાચા વિચારકો અને તેને ઝીલનારી પ્રજા ભેગા મળે તો ટર્કી જેવું નિર્માણ કરી શકાય. બીજી, બાજુમાં જ આવેલા ઈજિપ્તની દશા એટલી સારી નથી. પહેલા રશિયા તરફી રાજકારણ, પછી પણ એ જ સમાજવાદ કે સામ્યવાદની રટ. જોકે હવે તો ઈજિપ્ત રશિયા તરફી નથી રહ્યું તોપણ તેની સ્થિતિ બહુ વખાણવા જેવી નથી.