વિંગ્સ ઓફ ફાયર નો અનુવાદ અનુવાદક હરેશ ધોળકિયા ડૉ . કલામની આત્મકથા , હકીકતે, માત્ર વ્યક્તિગત સિદ્ધિની જ આત્મકથા નથી, પણ ભારતીય અવકાશ વિજ્ઞાન - રોકેટ વિજ્ઞાનનો ઈતિહાસ જ છે - આંખે દેખ્યો અહેવાલ જ છે પ્રા. વિક્રમ સારાભાઇનાં સ્વપ્નો ડૉ કલામ તથા તેમના સાથી વિજ્ઞાનીઓએ કેમ આગળ વધાર્યા, તેની કથા જ છે. પ્રથમ કામ કરનારાને કેવી તકલીફો પડે છે, તેઓ તેને હલ કરે છે, ત્યારે કેવી કેવી પીડાઓ – હતાશાઓમાંથી પસાર થાય છે, અને છતાં કેમ આગળ વધે છે --તેની આ કથા છે. આજે ભારતીય અવકાશ વિજ્ઞાનની જે સિદ્ધિઓ પ્રાપ્ત થઈ છે, તે આ કલામ તથા તેમના જેવા નાના - મોટા વિજ્ઞાનીઓના અવિરત શ્રમનું પરિણામ છે. આ પુસ્તકનું બીજું મહત્વ એ છે કે તે એક ''મેનેજમેન્ટ ''નું પુસ્તક પણ છે.