રમણલાલ સોનીને બાળસાહિત્યના ભીષ્મપિતા અમથા નથી કહ્યા. જરાય ભારેખમ ન લાગે એ રીતે આસપાસનાં પશુ – પંખી જગતનેય પાત્રો રૂપે ગૂંથીને એમણે બાળકોને આનંદ સાથે ઉપદેશ પણ આપ્યો છે. સંસ્કારની સુગંધવાળું બાળસાહિત્ય જ ચિરંજીવ બને છે. રમણલાલ સોનીની બાળકથાઓ આગામી સદીઓ સુધી ધબકતી રહેવાની છે એની ખાતરી આ કથાશ્રેણી પણ કરાવે છે. આ પુસ્તકો તમારા બાળકોનાં હાથમાં મૂકજો, પછીએ બીજું કશુય માગશે નહિ! ટી.વી. વિડીયોગેમ વગેરેને પણ બાજુએ મૂકીને બાળકો આ વાર્તાઓ વાંચવા ઉત્સુક રહેશે એની ગેરંટી છે, પ્રયોગ કરી જોજો !