ഇതിലെ മൂന്നു നോവലെറ്റിലും ഇരുണ്ട ഇടങ്ങൾ പ്രത്യക്ഷപ്പെടുന്നത് കാണാം. കഥാപാത്രങ്ങൾ തൃഷ്ണകളുടെ ഇരകളാകുന്നത് കാണാം. മനഃശാസ്ത്രപരമായ വായനകൾ അനിവാര്യമാക്കുന്ന അടരുകൾ ഈ പുസ്തകത്തിലുണ്ട്. സർപ്പിളമായ കഥാഘടന വീണ്ടും വീണ്ടുമുള്ള വായന ആവശ്യപ്പെടുന്നു. സമീപകാലത്തു മലയാളത്തിലുണ്ടായ കതിർക്കനമുള്ള രചനകളാണിവ. കഥാപാത്ര സൃഷ്ടിയിലെ മികവ്, പശ്ചാത്തലം ഒരുക്കുന്നതിലെ വൈഭവം, ദാർശനിക മാനങ്ങൾ സൃഷ്ടിക്കുന്നതിലെ അസാധാരണ കയ്യടക്കം എന്നിവയെല്ലാം ഈ പുസ്തകത്തെ ശ്രദ്ധേയമാക്കുന്നു. ഈ മൂന്നു നീണ്ടകഥകളും വായിക്കുമ്പോൾ ഒരു ജീനിയസ്സിന്റെ കയ്യൊപ്പ് പലയിടത്തും കണ്ടു.