പഴയ ഛന്ദസ്സിന്റെ കിന്നരത്തിൽ പുതിയ സംഗീതം രചിക്കുകയാണ് ദീപ. മലയാള കവികളുടെ ഒരു പ്രത്യേകതയാണിത്. ചിലപ്പോൾ പുതിയവഴിവെട്ടി ഓരങ്ങളിൽ പഴയമരങ്ങളുടെ വിത്തുകൾ നടും. മറ്റു ചിലപ്പോൾപഴയ വഴിയോരങ്ങളിൽ പുതുമരങ്ങളുടെ വിത്തുപാകും. രണ്ടായാലുംപൂക്കാലവും ഫലസമൃദ്ധിയും ഉറപ്പ്. അയ്യപ്പപ്പണിക്കരിലും അയ്യപ്പനിലുമെല്ലാം ഈ സമീപനം കാണാവുന്നതാണ്. ദീപയുടെ കാവ്യസസ്യശാല ശ്രദ്ധേയമാണ്.
കണ്ടു നടന്നാൽ അറിവും തിരിച്ചറിവും സമ്മാനിക്കുന്നവ. മരുഭൂമിയിൽ നിന്നുകൊണ്ടു ചന്ദ്രബിംബത്തിലൂടെ നാടിന്റെ രമണീയതകാണുന്ന ദീപയ്ക്ക് കൂടുതൽ കൂടുതൽ ലാവണ്യയാത്രകൾ ആശംസിക്കുന്നു.
-കുരീപ്പുഴ ശ്രീകുമാർ