`જાહેર કરવામાં આવે છે કે એક મર્ડર થવાનું છે. શુક્રવાર, 29 ઑક્ટોબર, સાંજે 6-3 વાગે, લિટલ પૅડોક્સમાં! મિત્રો, જાહેરમાં આપેલું આ પહેલું ને છેલ્લું આમંત્રણ સ્વીકારવાની કૃપા કરજો.' લોકલ છાપામાં છપાયેલી આ વિચિત્ર જાહેરખબરે, ઇંગ્લૅન્ડના એ નાનકડા ગામ ચિશપગ ક્લૅગહોર્નમાં સનસનાટી મચાવી દીધી. શું આ બાલિશ મજાક હતી? કે પછી કોઈનાં વિકૃત દિમાગે ઉપજાવી કાઢેલું નાટક હતું? સાંજ પડતાંની સાથે જ પબ્લિક કુતૂહલથી લિટલ પૅડોક્સમાં પહોંચી ગઈ. ઘડિયાળમાં સાડા છ ના ટકોરા પડ્યા અને લાઇટ જતી રહી, પિસ્તોલમાંથી ધડાકો થયો. પાછું અજવાળું થયું ત્યારે બધાંએ જોયું કે ગણતરીની ક્ષણોમાં ત્યાં ખરેખર લોહિયાળ રમત રમાઈ ગયેલી. અશક્ય લાગે એવા આ અપરાધની મિસ્ટ્રી કોણ ઉકેલશે? મિસ માર્પલ કે પછી અન્ય કોઈ?