સુપ્રસિદ્ધ સર્જક વીનેશ અંતાણીના નિબંધસંગ્રહ ‘પોતપોતાનો વરસાદ’ના નિબંધોમાં એમણે જાત સાથે કરેલી અંગત અને આપણા સૌની વાતો છે. કોઈ સંવેદનશીલ સર્જક મુંબઈ જેવા મહાનગરમાં એકલો પડે ત્યારે એનું ભાવવિશ્વ અલગ જ રૂપમાં પ્રગટ થાય છે. સર્જનાત્મકતાથી છલકાતા આ નિબંધો વાંચતાં લાગે છે કે વીનેશભાઈ આપણને પાસે બેસાડી એમનાં અંગતતમ સંવેદનોની વાત સહજ ભાવે માંડે છે. જે સમયમાં એ પોતે ડૂબ્યા એમાં વાંચકોને ખેંચી જાય છે. પારદર્શક અને લયાત્મક ગદ્ય આ ઉત્તમ નિબંધોનું આગવું લક્ષણ છે. ગુજરાતી વાંચકોએ ‘પોતપોતાનો વરસાદ’ના નિબંધોને પોતાના માન્યા છે અને પ્રેમથી વધાવ્યા છે.